Það hefur verið mikil umræða um það í dag að nú á að halda Biggest Loser keppni á Íslandi. Okkur fannst því kjörið að fjalla aðeins um þá sem voru mjög eftirminnilegir í þessum keppnum erlendis.
Mark Wylie
Hann fór úr tæpum 140 kg í 80 kg. Í dag er hann hinsvegar orðinn 102 kg og segist vera miklu ánægðari með sjálfan sig en hann var áður
Ali Vincent
Ali var fyrsta konan sem varð Biggest Loser en hún losaði sig við 50 kg og hefur haldið þessum kílóum í burtu. Hún segist borða 2000 kaloríur á dag og æfa 6 sinnum í viku í 90 mínútur í senn.
Amy Wolff
Amy missti 45 kg í þriðju seríu Biggest Loser. Hún giftist svo öðrum keppanda, Marty, og hafa þau í kjölfarið stofnað sína eigin heilsurækt. Hún segir að það sé alltaf “strögl” að halda þyngdinni niðri en segist þakklát fyrir að eiga maka sem skilur hana.
Andrea Baptiste
Síðan Andrea Baptiste keppti í fyrstu seríu þáttanna hefur hún verið með þætti í Boston sem bera heitið “Wake Up With Cory and Drea”. Hún hefur haldið kílóunum í burtu og segir lykilinn að því sé að finna sinn innri verðleika.
Bill Germanakos
Síðan Bill varð sigurvegari 4. seríu hefur hann fengið nýtt starf innan fyrirtækisins sem hann starfaði hjá, Quest Diagnostics. Hann er í dag forstöðumaður heilsueflingar starfsmanna.
Dan Evans
Dan Evans var 140 kg þegar hann byrjaði í 5. seríu Biggest Loser. Núna er hann 80 kg og hefur haldið sig í þeirri þyngd síðan þá og hefur látið gamlan draum rætast, hann gaf út plötu.
Isabeau Miller
Isabeau Miller varð í 4. sæti í 4. seríu Biggest Loser og starfar í dag einkaþjálfari og markþjálfari. Hún borðar lífrænan mat og fer í ræktina 5-6 tíma í viku.
Matt Hoover
Matt Hoover sigraði í 2. seríu en hann missti 82 kg. Hann kvæntist svo Suzy sem var með honum í keppninni og saman eiga þau son. Hann hefur bætt örlítið á sig en hann og Suzy lifa mjög heilbrigðu lífi.
Roger Shultz
Roger var 165 kg þegar hann hóf keppnina og fór niður í 90 kg. Hann er núna þjálfari í Scale Back Alabama sem er fyrir fólk sem vill létta sig.
Ryan Benson
Ryan var fyrsti sigurvegarinn og missti hann 55 kg og fór þá úr 149 kg í 94 kg. Hann hefur hinsvegar viðurkennt að hafa nánast svelt sig í keppninni og hefur hann bætt töluvert á sig eftir keppnina og er í dag 136 kg.
Þú getur skráð þig í Biggest Loser á Íslandi hér!
