Ollie Trezise er 21 mánaða gamall drengur sem fæddist með heilahaul, eða encephalocele, sem olli því að heili hans óx út um sprungu á höfuðkúpu hans og út um nefnið. Fæðingargallinn kom fyrst í ljós í 20 vikna sónar, þar sem móðir hans, Amy Poole var sagt að auka vefur væri að vaxa á andliti hans. Þessi fæðingargalli er sjaldgæfur og gerist í um það bil 1,7 af hverjum 100.000 fæðingum en gatið á höfuðkúpunni myndast yfirleitt aftan á höfuðkúpunni.
Sjá einnig: Þeim var sagt að láta eyða fóstrinu – Þau gerðu það ekki!
Ollie hefur þurft að gangast undir margar sársaukafullar aðgerðir til þess að loka gatinu á höfuðkúpunni og gera honum kleift að anda í gegnum nefið. Eftir því sem hann óx, þá stækkaði vefurinn í andliti hans og móðir hans kallaði hann hinn raunverulega Gosa og segir að hún gæti ekki verið meira ánægð með son sinn.
Sjá einnig: 2 ára stúlka með Downs heilkenni á fyrirsætusamning
Litli drengurinn hefur fengið miklar augngotur og fingrabendingar og sumir hafa gengið svo langt að segja móður hans að hún hefði ekki átt að eiga hann til að byrja með. En Amy segir að hún myndi aldrei vilja hafa hann öðruvísi, þar sem hann er yndislegur, brosmildur og skemmtilegur strákur. Hann á þó eftir að gangast undir fleiri aðgerðir í framtíðinni, en læknar þurfa í fyrstu að sjá hvernig höfuðkúpa hans muni vaxa.
Ollie ásamt móður sinni Amy Poole.
Annabelle er fjögurra ára gömul systir hana Ollie litla.
Sjá einnig: Litningafrávik á meðgöngu
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
