Giftur maður í Mexíkó, Antonio, þurfti heldur betur að útskýra aðstæðurnar sem hann kom sér í á dögunum. Hann var staðinn að því að hafa grafið mjög djúpa holu í garð annarrar fjölskyldu. Holan voru göng, sem leiddu í hús í Antonio. Það eru mörg göng í Mexíkó sem hafa verið notuð af eiturlyfjabarónum til að flytja dóp og hefur hann eflaust fengið innblástur frá þeim.
Sjá einnig: Kemur unnustanum á óvart á afmælisdaginn
Antonio var að halda við Pamelu og bjó til fyrrnefnd göng til að komast óséður til ástkonunnar. Maðurinn hennar, Jorge, sá holuna, skreið ofan í hana og var allt í einu mættur til Antonio og hitti hann auglitis til auglitis. Antonio biður Jorge að hafa ekki hátt því eiginkona hans væri í næsta herbergi og hann vildi ekki að hún kæmist að framhjáhaldinu. Þessi beiðni gerði Jorge bálreiðann og fóru mennirnir að slást. Eiginkona Antonio hringdi á lögregluna og þá var Antonio auðvitað til neyddur að játa það sem hann hafði gert.
Myndir af göngunum hafa lekið á netið og hafa göngin verið kölluð „Ástargöngin“.
