Þetta er afar ljúffengur og matarmikill brauðréttur sem hentar vel á hvaða veisluborð sem er. Það er aldeilis tilvalið að prófa þennan um páskana. Uppskriftin er fengin af Eldhússögum. 

Sjá einnig: Kjúklingur eldaður í mjólk að hætti Jamie Oliver

img_1281

Heitur réttur

  • ca. 15 brauðsneiðar
  • 500 g kjúklingabringur eða lundir, skorin í bita (ég notaði Rose Poultry)
  • 250 g sveppir, skornir í sneiðar
  • 1 lítill rauðlaukur, saxaður smátt
  • ólífuolía og/eða smjör til steikingar
  • 1 msk kjúklingakraftur
  • 200 g Philadelphia ostur með papriku og lauki
  • 4-5 dl matreiðslurjómi
  • 1 msk sojasósa
  • Heitt pizzakrydd frá Pottagöldrum
  • salt & pipar
  • 200 g beikon
  • fersk steinselja
  • rifinn ostur
Ofn hitaður í 200 gráður. Mesta skorpan skorin frá brauðinu sem er síðan skorið í teninga og dreift á botn eldfasts móts. Kjúklingur og laukur steikt á pönnu upp úr ólífuolíu og/eða smjöri. Þá er kjúklingakrafti bætt út á pönnuna. Því næst er Philadelphia osti, rjóma og sojasósu bætt út á pönnuna og sósan svo smökkuð til með heitu pizzakryddi, salti og pipar. Látið malla við vægan hita í smá stund, athugið að sósan á að vera þunn. Því næst er sósunni hellt yfir brauðið í eldfasta mótinu. Beikon er steikt og skorið í litla bita og dreift yfir sósuna. Þá er steinseljan söxuð smátt og henni dreift yfir beikonið. Að lokum er rifnum osti dreift yfir réttinn. Hitað í ofni í 20-25 mínútur eða þar til osturinn hefur fengið góðan lit.
SHARE