Jessica Alba hefur alltaf verið mjög fíngerð og grönn en hún vill fullvissa aðrar konur um að hún sé bara ósköp venjuleg. Leikkonan fagra segir að hún sé með appelsínuhúð, slit og hliðarspik. Jessica sem notar stærð 6 er líklega haldin ranghugmyndum um sjálfa sig ef henni finnst hún hafa hliðarspik.

Hún segir nýlega í viðtali við heilsublað:
“Ég er ekki með líkama 14 ára stelpu lengur. Ég er með appelsínuhúð, slitför og hliðarspik!”

Fólk hlýtur að velta því fyrir sér hvort hún sé haldin ranghugmyndum en leikkonan er tveggja barna móðir og af myndum að dæma er hún ekki eins útlítandi og hún heldur. Konur velta því fyrir sér hvaða skilaboð hún sé að senda til kvenna þegar hún talar svona um sjálfa sig en það virðist ekki vera eitt gramm af fitu á líkama hennar.

Jessica segir að henni finnist líkamsrækt leiðinleg og að hún þurfi virkilega að pína sig í ræktina. Stjarnan eyddi þremur mánuðum í níðþröngu korseletti eftir fæðingu dóttur sinnar, hún segir:
“Það var svakalegt, alls ekki fyrir alla. Ég var í tvöföldu korseletti daga og nætur í þrjá mánuði, ég svitnaði mikið en það var þess virði.” Þetta segir okkur það að hún á hugsanlega í erfiðleikum með sjálfsmyndina.

 

 

SHARE