Það er fátt eins gott og smákökur með haframjöli – svona að mínu mati. Þessir guðdómlegu hafraklattar koma af EldhússögumMiklivægt er að baka klattana ekki of lengi og látið ykkur ekki bregða þó þeir komi mjúkir út úr ofninum. Reynið að hemja ykkur og látið þá kólna!

Sjá einnig: Hafraklattar sem að maður getur ekki hætt að hugsa um

img_73091

Hafraklattar

  • 500 gr smjör (lint)
  • 100 gr sykur/hrásykur
  • 300 gr púðursykur
  • 4 tsk vanillusykur
  • 4 egg
  • 350 gr hveiti/spelt
  • 2 tsk matarsódi
  • 1 tsk salt
  • 1 tsk kanill
  • 550 gr haframjöl
  • 100 gr. smátt skorið suðusúkkulaði (má auka, minnka eða sleppa)
  • 1 bolli rúsínur (má auka, minnka, sleppa)

Aðferð:

Smjör, sykur og púðursykur þeytt þar til létt og ljóst. Eggjum bætt út í einu og einu í senn ásamt vanillusykri. Þurrefnum bætt út í, hveiti, matarsóda, salti og kanil, og í lokin er haframjöli, rúsínum og súkkulaði bætt við.

Á þessu stigi er deigið mjög blautt. Búið til kúlur í höndunum, ca. á stærð við tómata/plómur, setjið á plötu og fletjið lítillega út. Ég næ um það bil 9 stykkjum á plötu. Athugið að klattarnir stækka í ofninum.

Bakað í miðjum ofni við 200° í  ca 8-10 mínútur. Mikilvægt að baka ekki klattana of lengi, þeir eiga rétt að vera ljósbrúnir. Úr þessari uppskrift fékk ég ca. 30 klatta.

SHARE