Þessi pastaréttur er gómsætur og afar einfaldur. Hentar vel þegar mánudagsletin hefur heltekið mann. Uppskriftin er fengin af Eldhússögum. 

Sjá einnig: Pastaréttur með ítölskum keim

img_9928

Kjúklingapasta í rjómaostasósu með beikoni

  • 1 heilsteiktur tilbúinn kjúklingur
  • 1 stór pakki beikon (250 gr), skorið í bita
  • 1 appelsínugul paprika, skorin í bita
  • 1 púrrlaukur, sneiddur fremur smátt
  • 300 gr rjómaostur
  • 2 dósir sýrður rjómi
  • 1-2 dl mjólk
  • 1 msk kjúklingakraftur
  • 3 msk mango chutney
  • pipar (salt ef þarf en beikonið saltar réttinn)
  • 500 gr pasta

Pasta soðið eftir leiðbeiningum. Kjötið hreinsað af kjúklingnum og skorið í bita. Beikonið steikt á pönnu. Þegar beikonið hefur tekið góðan lit er papriku og púrrlauk bætt á pönnuna og steikt í smá stund. Því næst er kjúklingnum bætt á pönnu og pipraður dálítið. Rjómaosti, sýrðum rjóma og mjólk bætt út í ásamt kjúklingakrafti. Því næst er mangó chutney bætt út í sósuna. Sósunni leyft að malla í stutta stund og svo er henni blandað saman við pastað. Borið fram með góðu brauði.

SHARE