Hér á ferðinni ákaflega auðveld kaka en að sama skapi alveg svakalega ljúffeng. Þessa köku eiga allir eftir að elska. Uppskriftin er fengin af Eldhússögum. 

Sjá einnig: Rice Krispies bananakaka með Pipp karamellusúkkulaði

img_98721

Ljúffeng Svíþjóðarkaka

Botn:

  • 3 egg
  • 3 dl sykur
  • 3 dl hveiti
  • 2 tsk lyftiduft
  • 1 dl sjóðandi heitt vatn

Krem:

  • 1 dl mjólk
  • 125 gr smjör
  • 3 msk vanillusykur
Bakarofn hitaður í 175 gráður. Smelluform (ca 24 cm) smurt. Egg og sykur þeytt þar til blandan er létt og ljós. Þurrefnunum blandað út í ásamt heita vatninu. Deiginu hellt í bökunarformið og kakan bökuð við 175 gráður í 30-40 mínútur. Þegar kakan hefur kólnað er hún klofin í tvennt. Ég á svona skurðaráhald úr Íkea sem kemur sér vel þegar maður sker ójafnt eins og ég geri!
Krem: Smjör og mjólk soðið saman, hitinn lækkaður og vanillusykri bætt út í. Hrært við vægan hita þar til sykurinn hefur leyst upp (má ekki sjóða eftir að vanillusykurinn fer út í, þá verður kremið beiskt). Leyfið blöndunni að kólna aðeins og hellið henni svo jafnt yfir neðri botn kökunnar. Kremið á að vera í vökvaformi. Efri hluti kökunnar lagður yfir botninn. Plastfilma sett yfir kökuna og hún sett í kæli í nokkra klukkutíma eða yfir nótt. Flórsykur er sigtaður yfir kökuna áður en hún er borin fram og stundum er settur yfir hana glassúr.
img_9880
SHARE