Þessi kaka hljómar svo vel að það liggur við að maður rjúki inn í eldhús med det samme. Þarf ekki eitthvað að hita upp fyrir allan jólabaksturinn? Uppskriftin er fengin af Eldhússögum

Sjá einnig: 5 mínútna Dumle súkklaðikaka í bolla

img_0547

Risa smákaka með Toblerone og Dumle karamellum

  • 180 g smjör, við stofuhita
  • 1 ½ dl púðursykur
  • 1 ½ dl sykur
  • 1 egg
  • 1 dl haframjöl
  •  3 ½  dl hveiti
  • 1 ½ tsk matarsódi
  • 2 tsk vanillusykur
  • örlítið salt
  • 200 g Toblerone, saxað meðalgróft
  • 120 g Dumle karamellur, skornar í litla bita
  • 1 dl pekan- eða valhnetur, grófsaxaðar

Ofan á:

  • nokkrir molar hvítt súkkulaði, brætt
  • nokkrir molar dökkt súkkulaði, brætt

Ofn hitaður í 175 gráður við undir- og yfirhita. Smjör, sykur og púðursykur hrært saman. Þá er eggi bætt út í. Því næst er þurrefnunum hrært saman við og að lokum er Toblerone súkkulaði, Dumle karamellum og hnetum bætt út í. 22-24 cm bökunarform er klætt að innan með bökunarpappír og degið sett í formið, því þrýst jafnt út í alla kanta. Bakað neðarlega í ofni í 30-35 mínútur eða þar til kakan hefur tekið fallegan lit. Bræddu hvítu og dökku súkkulaði er dreift yfir kökuna eftir að hún kemur úr ofninum. Gott er að bera fram kökuna volga með vanilluís en hún er ekki síðri köld. 

SHARE