Elliot Rodger, 22 ára, gerði þetta myndband daginn áður en hann ók að húsi skólasystra sinna og myrti þar 2 stúlkur sem voru meðlimir í svokölluðum „systraklúbbi“. Hann skaut líka tvítugan dreng sem var í verslun í nágrenninu auk þess sem hann ók niður gangandi vegfarendur á leiðinni að húsinu sem stúlkurnar voru. Áður en Elliot lagði af stað myrti hann líka 3 herbergisfélaga sína með hníf. Allt í allt myrti hann 6 manns. 
Foreldrar Elliot hringdu á neyðarlínuna þegar þau áttuðu sig á áætlunum unga mannsins og brunuðu í átt til Santa Barbara. Á leiðinn heyrðu þau svo í útvarpinu af skotárásinni. Elliot hafði haldið dagbók sem taldi um 140 síður og hafði sent hana meðal annars á foreldra sína rétt fyrir árásina.
Hann var haldinn mikilli reiði og sagði meðal annars þetta í myndbandinu:
Ég ætla að fara inn í vinsælasta „systraklúbbinn“ (sorority) og slátra hverri einni og einustu ofdekruðu, sjálfumglöðu, ljósku druslu sem ég sé þar inni. Allar þessar stúlkur, sem ég hef þráð svo mikið og hafa hafnað mér og litið niður á mig í hvert skipti sem ég hef reynt við þær.
Elliot var, að sögn erlendra fréttamiðla, mjög veikur einstaklingur en hann átti að vera á lyfjum vegna vænisýki, en tók ekki lyfin sín. Hann var reiður útaf því að hann var hreinn sveinn, reiður út í stúlkurnar sem höfnuðu honum og út í ungu mennina í kringum sig sem voru að fá að stunda kynlíf.
Elliot endaði þetta svo á að taka sitt eigið líf en hann birti þetta myndband 24 tímum áður en hann framdi verknaðina.
Elliot var sonur eins af leikstjórum The Hunger Games, Peter Rodger, en hér er mynd af þeim á viðburði tengdum kvikmyndinni.
Hér er hægt að lesa alla dagbókina hans:
