Skólarnir eru flestir byrjaðir og september mun vonandi fara um okkur blíðum höndum. Haustlitirnir og kvöldmyrkrið er svo fallegt á þessum tíma og kertaljós lífga upp á kvöldin okkar.
Hér er svo komin stjörnuspá fyrir september:
Meyjan
23. ágúst — 22. september
September er þinn mánuður og hann býður upp á endurnýjun, bæði innra með þér og í daglegu lífi. Þú finnur fyrir auknum vilja til að taka stjórn á aðstæðum, skipuleggja betur og einfalda það sem hefur verið flókið. Þú finnur fyrir hvatningu til að klára verkefni sem hafa verið á bið, fyrri hluta mánaðarins, svo þú geir byrjað upp á nýtt með haustinu.
Þú verður full/ur af nákvæmni og einbeitingu á vinnustaðnum. Þeir sem vinna með þér sjá hvað þú ert áreiðanleg/ur og geta leitað til þín fyrir ráð og skipulagningu. Þetta er góður tími til að semja um ný verkefni eða styrkja stöðu þína. Fjármálin geta einnig batnað ef þú fylgir þínum eigin reglum um aga og hófsemi.
Í ástarmálunum er september tími til að tjá þarfir þínar heiðarlega. Sambönd dýpka þegar þú lætur vita hvað skiptir þig máli. Einhleyp Meyja gæti hitt einhvern sem er jarðbundinn og traustur karakter og það gæti orðið að tengingu sem vex hægt en örugglega.
Heilsan krefst reglusemi. Nýtt mataræði, betri svefn eða regluleg hreyfing geta gert kraftaverk. September gefur þér tækifæri til að rækta sjálfa/n þig – bæði líkamlega og andlega – og undirbúa þig fyrir kraftmikinn vetur.
