Skólarnir eru flestir byrjaðir og september mun vonandi fara um okkur blíðum höndum. Haustlitirnir og kvöldmyrkrið er svo fallegt á þessum tíma og kertaljós lífga upp á kvöldin okkar.
Hér er svo komin stjörnuspá fyrir september:
Ljónið
23. júlí – 22. ágúst
Ljón, september gæti verið einn af skemmtilegri mánuðum ársins fyrir þig. Þú hefur verið að safna orku og nú fer hún smám saman að leita út á við.
Fyrri hluti mánaðarins snýst um að klára, laga og undirbúa. Þú gætir haft mikla löngun til að stökkva beint í næsta verkefni en það borgar sig að ganga frá því gamla fyrst.
Í ástinni verður september ansi spennandi. Venus í Sporðdreka getur gert tilfinningarnar aðeins dýpri og heitari. Þú ert ekki endilega í skapi fyrir „bara sjáum til“. Þú vilt vita hvort manneskjan sé í alvörunni að meina það sem hún segir.
Ef þú ert einhleyp/ur gæti verið mikil aðdráttarafl í kringum þig. Ekki láta sjálfstraustið þó hlaupa alveg með þig gönur. Þú þarft ekki að vinna alla leiki – sumir eru skemmtilegri þegar þú sleppir stjórninni.
Mars fer í Ljón undir lok september og þá eykst drifkrafturinn verulega.
Þú verður líklega tilbúin/n að byrja á einhverju sem þú hefur lengi talað um.
Og já – fólk tekur eftir þér.
Septemberboðskapurinn: Þegar þú hættir að biðjast afsökunar á því „að skína“ verður allt auðveldara.
