Hvort sem við trúum því eða ekki, þá er október að verða búinn og nóvember að taka við. Mánuðurinn fyrir jól! Án þess að við viljum vera að stressa ykkur upp. Jólin koma á sama tíma og alltaf, hvort sem þú sért „búin/n að öllu“ eða ekki.
En það er ennþá nógur tími og við höfum allan nóvember til að hugsa um núna. Hvað segja stjörnurnar okkur um þennan skemmtilega mánuð?
Krabbinn
22. júní — 22. júlí
Þú hefur verið að gefa mikið af þér og nóvember minnir þig á að þú þarft ekki alltaf að vera sá sem bjargar öllum öðrum.
Í vinnunni gæti komið að því að þú setjir skýrari mörk. Það gæti verið óþægilegt í fyrstu en þú munt fljótt finna hversu mikla orku það losar.
Á heimilinu gæti orðið breyting. Kannski lítil breyting sem þú hefur lengi ætlað að gera, en hún mun hafa meiri áhrif á líðan þína en þú átt von á.
Í ástinni þarftu ekki stórkostlegar yfirlýsingar. Það sem skiptir máli er að finna fyrir öryggi og nærveru.
Nóvemberráð: Að segja „nei“ er ekki eigingirni.
