Frosnir bananabitar!
Ertu orðin leið á að bjóða alltaf sams konar eftirmat? Prófaðu þá að bjóða upp á frosna bananabita. Manni finnst að maður sé að borða hinn besta ís en maður hefur alls ekki náð sér í nein ósköp af hitaeiningum.
ATH! Ef einhver í fjöskyldunni er með hnetuofnæmi er alveg hægt með góðum árangri að sleppa hnetusmjörinu sem er í uppskriftinni .
Efni:
- 4 bananar
- 280 gr suðusúkkulaði
- 1/4 bolli hnetusmjör
Aðferð:
Afhýðið bananana og skerið þá í sneiðar (u.þ.b. 1,5cm) Raðið á plötu með (bökunarpappír)
Smyrjið nú hnetusmjöri á hverja sneið.
Setjið inn í frysti í u.þ.b. 1 klst. Þá verður auðveldara að hjúpa bitana með súkkulaðinu!
Bræðið súkkulaðið við mjög hægan hita þar til það rennur vel
Dýfið nú hverjum bita (notið tvo gaffla) ofan í súkkulaðið og setjið þá á bökunarpappír.
Setjið bitana nú aftur í frystinn og látið súkkulaðið kólna vel.
