Blac Chyna gerir hvað hún getur til þess að æsa upp Kardashian-fjölskylduna þessa dagana. Eins og margir vita er Blac búin að næla sér í einkason Kris Jenner, Rob Kardashian. En Blac er barnsmóðir Tyga, sem er kærasti Kylie Jenner, og eins er hún þekkt fyrir að vera erkióvinur Kardashian-systranna. Já, þetta er allt saman efni í ljómandi góða sápuóperu.

Sjá einnig: Rob Kardashian er byrjaður með barnsmóður Tyga

Vefmiðillinn Hollywood Life greinir frá því að margir haldi því fram að Blac sé einungis að nota Rob til þess að ná sér niðri á Tyga. Blac Chyna er sögð vilja niðurlægja Tyga eins og hún mögulega getur, meðal annars með því að gera lítið úr hæfileikum hans í bólinu. En Blac hefur látið það flakka að Rob sé mun betri elskhugi en hennar fyrrverandi. Blac hefur einnig verið sökuð um að notfæra sér Rob til þess að reka fleyg á milli Kylie og Tyga.

Blac-Chyna-Rob-Kardashian-Kylie-Jenner-and-Tyga-main

Við höldum áfram að fylgjast æsispenntar með þessu ævintýri!

SHARE