Cheryl Fernandez-Versini (32), sem betur er þekkt sem Cheryl Cole, er komin með nýjan kærasta, ef marka má heimildir HollywoodLife. Sá heppni er meðlimur hljómsveitarinnar One Direction, hjartaknúsarinn Liam Payne (22). Þau hafa verið að hittast á laun síðan í desember.
HollywoodLife hefur það eftir dagblaðinu The Sun að Cheryl og Liam hafi farið að stinga saman nefjum eftir að Cheryl skildi við eiginmann sinn Jean-Bernard Fernandez-Versini, en skilnaður á pappírum er í vinnslu. Cheryl hefur alltaf haldið ástarlífinu frá fjölmiðlum, eins vel og hún getur og hefur hún ekki staðfest neitt varðandi Liam, enn sem komið er.
„Cheryl og Liam eru saman. Það var óvænt en þau eru mjög hamingjusöm saman,“ sagði heimildarmaður The Sun. „Þeim hefur alltaf komið vel saman og eru með mörg sameiginleg áhugamál en hafa ekki verið saman fyrr en nú. Sambandið hófst fljótlega eftir að X factor þáttaserían kláraðist í desember og þetta er sönn ást. Liam er brjálæðislega ástfanginn.“
Nýlega fékk Liam sér húðflúr í stíl við það sem Cheryl er með að baki sínu og rassi.
Þess má til gamans geta að Liam og Cheryl hittust fyrst þegar Liam kom í áheyrnarprufu í X factor þegar hann var 16 ára gamall.
Sjá einnig: Cheryl Cole orðin rosalega grönn
Sjá einnig: Justin Bieber gerir lítið úr One Direction
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
