Nú er komin fram ný leið til að flörta á Facebook! Ekki fyrr hefur Facebook gefið þær stórkarlalegu yfirlýsingar að persónuvernd sé þeim efst í huga, fyrr en þeir læða inn skemmtilega lúmskri viðbót: Flört-hnappinum alræmda!
Hér að neðan má sjá hnappinn sem gerir notendum kleift að smella á lítinn “ASK” hnapp við hlið sambandsstöðu notenda – að því gefnu að ekkert sé skráð í reitinn “Hjúskaparstaða”.
Og hver er tilgangurinn með því að smella á “SPYRJA”, ef ekki nema til að kanna hvort viðkomandi sé til í tuskið? Hentugt, vandræðalegt og mjög einfalt. Þó gerir vefurinn þetta ekki alveg svo einfalt að láta músasmellinn nægja: Nei, þegar þú hefur smellt á hnappinn – þá sendir þú viðkomandi í kjölfarið bréf sem gæti litið einhvern veginn svona út …
Ekki hafa áhyggjur; það er afskaplega einfalt að svara. Þú sérð ekki “SPYRJA” hnappinn á þínum eigin prófíl – en þú færð aftur á móti fyrirspurn sem gæti litið einhvern veginn svona út:
Taktu eftir litla hakinu neðst í glugganum – en Facebook gefur þér þann valmöguleika að deila hjúskaparstöðu þinni aðeins með þeim sem lagði fram fyrirspurninga – eða öllum vinum þínum á vinalistanum. Þitt er valið.
Þorir þú að smella á hnappinn?
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
