Sean “Diddy” Combs hefur verið sakaður um að hafa nauðgað konu sem líkti getnaðarlim hans við Tootsie Roll, sem er þekkt sælgæti í Ameríku.
Konan, sem hefur ekki viljað láta nafns síns getið, hitti Sean í maí 2001 og fór nokkrum sinnum með honum á næturklúbbi, veitingastaði og í upptökuverinu, samkvæmt upplýsingum frá TMZ.
Hún segir að ekkert óviðeigandi hafi átt sér stað fyrr en í júlí 2001 þegar Sean bauð henni heim með sér eftir klúbbakvöld og læsti hana inni í svefnherberginu hans. Hann hafi síðan ýtt henni niður á rúmið sitt, tekið hana hálstaki og sagt „Ég ætla að sjúga úr þér allt líf“ eða „I’m going to suck the life out of you.”
Konan segir að Sean hafi svo losað gripið um háls hennar og losað um buxur sínar og þar hafi blasað við holdris Sean og limur hans hafi „verið eins og Tootsie Roll á lengd og breidd“. Hún segir að henni hafi verið létt yfir því hvað Sean væri með lítinn lim því þá myndi hann ekki meiða hana jafn mikið í nauðguninni.
Hún segir að hún hafi æpt á Sean að hætta og að hún vildi þetta ekki en hann hafi yfirbugað hana. Hann hafi svo fengið sáðlát á líkama hennar. Hún segist svo hafa farið á salernið eftir nauðgunina og hlaupið svo út á meðan hann lá í rúminu, nakinn.
