Á fimmtudaginn fór fram kistulagning hjá eiginmanni Celine Dion, René Angélil, í Notre-Dame Basilica í Montreal í Kanada. Aðdáendum var hleypt inn í kirkjuna til að geta vottað René Angélil virðingu sína í hinsta sinn.
Sjá einnig: Eiginmaður Celine Dion er látinn
Kistan var opin frá 14 til 21 um kvöldið og stóð Celine Dion við hlið René fram undir kvöld en hún ræddi af og til við aðdáendur sem höfðu beðið í röð til þess að tala við söngkonuna.
Þau sem mættu til að vera viðstödd kistulagningu voru móðir Celine, hin 88 ára Thérésa, bróðir René, André og synir hans Patrick og Jean-Pierrem. Dóttir René úr fyrra hjónabandi, Anne-Marie Angelil mætti einnig og elsti sonur Celine og René, hinn 14 ára gamli René-Charles.
Sjá einnig: Missti eiginmann sinn og bróður í sömu vikunni
Jarðaförin fer fram í dag, í sömu kirkju klukkan 15, en henni verður sjónvarpað á þremur sjónvarpsstöðum í Kanada. Einnig verður hægt að horfa á hana á netinu á vefsíðunni reneangelilcommemoration.com.
Kristín Helga er óumdeilanlega mesti Kardashian aðdáandi Íslands og nærliggjandi landa. Hennar heitasta ósk er að vera vinkona Khloe Kardashian.
Hún hefur áhuga á öllu mögulegu og þar á meðal að lesa og skrifa um fræga fólkið í Hollywood.
