Þær eru ófáar stórmyndirnar sem fá framhald núna á þessu nýbyrjaða ári. Sumar myndir eiga auðvitað ekki að fá neitt sem heitir framhald. Hvað þá í fleiri en eitt skipti og fleiri en tvö. Slíkt á vissulega til að mislukkast. Nema kannski þegar um ræðir Die Hard.

Hver er ekki til í að horfa á Bruce Willis passlega skítugan og sveittan fjórar myndir í röð? Ég er til. Alla daga, alltaf.

Taken 3

Ég hef séð bæði Taken 1 & 2. Man samt lítið hvort þær vöktu áhuga minn, spennu eða kátínu almennt. Ef Liam Neeson er á skjánum þá stend ég ekki upp fyrr en myndin er búin. Ég kem til með að sjá þessa. Helst á stórum skjá. Ó, Liam.

Taken-3-Movie-1560x690_c

Hot Tub Time Machine 2

Æ, ég veit ekki. Sú fyrri var ágætis vitleysa. Ekkert sem ég myndi nenna að sjá tvisvar. Og nenni ég nú ýmsu. Í síðustu mynd fór tímavélin, í formi nuddpottar einhvers konar, með fjórmenningana aftur í fortíðina. Nú skutlar potturinn góði þeim 10 ár fram í tímann. Spennandi? Nah, ég þori ekki að gera mér neinar vonir.

moviehole.com_

Furious 7

Ég játa mig seka. Ég hef aldrei séð þessar ógnarhröðu Fast and the Furious myndir sem svo margir halda vart vatni yfir. Það sem vekur áhuga minn á þessari er að Paul Walker dó á meðan myndin var í framleiðslu. Bræður hans tveir sáu um að ljúka hlutverki hans. Nokkuð áhugavert það.

main_content_back

Paul Blart: Mall Cop 2

Almáttugur minn, af því sú fyrri var ekki nógu leiðinleg? Að vísu fékk hún metaðsókn og skilaði inn einhverjum gífurlegum fjárhæðum. Jæja, kannski er það bara ég sem er leiðinleg.

Kevin James as "Paul Blart" in Columbia Pictures' comedy Paul Blart: Mall Cop.

Avengers: Age of Ultron

Mark Ruffalo í hlutverki The Hulk nægir mér. Ég ætla að sjá þessa. Namm, Mark. Og Hulk.

marvel_s_the_avengers__age_of_ultron___banner_i_by_mrsteiners-d74vpuj

Jurassic World

Framhald af hinni æsispennandi Jurassic Park seríu. Mögulega er ég að fara dálítið glæfralega með orðið æsispennandi. Steven Spielberg kemur að vísu hvergi nálægt þessari mynd. Risaeðlur? Voru hinar þrjár myndirnar ekki alveg nóg? Jú, alveg feikinóg, takk.

Jurassic_World

Ted 2

Óviðeigandi bangsagarmurinn var fyndinn í fyrra skiptið. Sjáum hvað setur í þetta sinn.

maxresdefault

Terminator: Genisys

Fæst orð bera minnsta ábyrgð.

Terminator_Genisys_5

The Hunger Games: Mockingjay Part 2

Ég er mikill aðdáandi Hungurleikanna. Þó er ég ennþá í fýlu yfir því að síðasta hlutanum hafi verið skipt í tvennt. Bömmer sem kostar mig tvo bíómiða. Og ómælda bið.

1379407823_hunger-games-movie-wp_trio01

Fleiri myndir sem fá framhald árið 2015:

The Woman in Black 2: The Angel of Death

The Second Best Exotic Marigold Hotel

Paranormal Activity: The Ghost Dimension

Mad Max: Fury Road

Magic Mike XXL

Crouching Tiger Hidden Dragon: The Green Legend

Maze Runner: The Scorch Trials

London has Fallen

Tengdar greinar:

Uppáhalds jólamyndirnar

Stjörnunum breytt í Disneyprinsessur, prinsa og skúrka – Myndir

Brad Pitt breikdansar gegnum heilt kynningarviðtal

SHARE