Ég hef alltaf verið dálítið hrædd við uppskriftir sem innihalda ostrusósu. Ostrusósa – nei, það er eitthvað við þetta nafn sem kveikir ekki í mér. Ég lét þó til leiðast í gærkvöldi og smakkaði þessa sósu sem kennd er við ostrur. Og viti menn, ég hafði rangt fyrir mér – aldrei slíku vant. Þetta er stórfín sósa. Alveg hreint prýðileg. Við eigum eftir að hittast aftur. Klárt mál.

Sjá einnig: Chili kjúklingaspjót með kókosnúðlum

Annars mæli ég með þessum kjúklingarétt. Virkilega bragðgóður.

IMG_2146

Ljúffengir kjúklingastrimlar í ostrusósu

Fyrir tvo

400 gr kjúklingalundir

5 msk Blue Dragon sojasósa

2 msk hveiti

1 paprika

1 box sveppir

ólívuolía

70 ml kjúklingasoð

2 msk Blue Dragon ostrusósa

3-4 vorlaukar

IMG_2127

Skerum lundirnar í strimla og leggjum í skál. Bætið sojasósunni við ásamt einni skeið af hveiti. Látið marinerast í 15-20 mínútur. Skerið paprikuna í strimla, saxið vorlaukinn og sveppina.

IMG_2132

Hellið olíu á pönnu og brúnið kjúklingastrimlana. Bætið grænmetinu á pönnuna og steikið í 3-4 mínútur. Takið síðan af og geymið.

Hreinsið pönnuna vel. Setjið kjúklingasoðið ásamt ostrusósunni á pönnuna og hitið að suðumarki. Einni skeið af hveiti skellt saman við og leyft að sjóða í 2 mínútur. Bætið þá kjúklingnum og grænmetinu út í og hrærið öllu vel saman.

Gott er að bera réttinn fram með núðlum eða hrísgrjónum.

Sjá einnig: Kraftmikil bleikja með fersku sumarsalati

IMG_2142

Núna er Blue Dragon vika í fullum gangi á hun.is. Við munum birta tvær uppskriftir á dag, í heila viku. Í byrjun næstu viku munum við svo draga út stórglæsilega Blue Dragon gjafakörfu. Það sem þú þarft að gera er að skilja eftir athugasemd hér að neðan og þá ertu komin/n í pottinn.

Hafðu í huga: því fleiri Blue Dragon uppskriftir sem þú skrifar athugasemd við – því meiri möguleikar á vinningi.

 

SHARE