Ég elska fisk og þessi réttur gerir mig glaða, hann er svo góður!
Uppskrift:
800 gr ýsa
3 egg
1 ,5 dl rjómi
1/4 tsk paprikuduft
100 gr pizza ostur
1 msk smjör
1 msk matarolía
pipar, nýmalaður
Paprikusalsa:
1 stk rauð paprika
1 stk græn paprika
1 stykki paprikuostur ( kringlótti)
1,5 dl steinselja söxuð
2 msk olívuolía
salt og pipar
Aðferð:
ýsan skorin í litla bita. Egg, rjómi, saly og pipar hrært saman og ýsunni velt up úr blöndunni. Ýsan steikt báðu megin upp úr olíu og smjöri. Ýsan er svo sett í eldfast mót og restin af eggjablöndunni helt yfir, pizzaosti stráð yfir og svo bakað í ofni við 180 gráður í 15 mínútur.
Paprikan, osturinn skorin í teninga og öllu blandað saman hrært vel í.
Gott að bera fram með glænýjum kartöflum.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
