Þrjú börn köstuðust úr fljúgandi hoppukastala sem rak út á hraðbraut

Þrjú lítil börn voru færð í ofboði á slysadeild sl. mánudag eftir að hoppukastali hóf sig á loft með öll börnin innbyrðis. Hoppukastalinn endasentist í loftinu mörg hundruð metra, en börnin köstuðust úr leiktækinu fljótlega eftir að kastalinn hóf sig á loft og hlutu mismikil meiðsli. Mikil skelfing greip um sig meðan nærstaddra og má heyra skelfingaróp á myndbandinu sem fylgir með frétt hér að neðan.

Atvikið átti sér stað í Floridafylki í Bandaríkjunum, en hoppukastalanum hafði verið komið fyrir á leikvelli á ströndu en samkvæmt sjónarvottum losnaði vatnsslanga og olli þrýstingurinn sem rennandi vatnið olli því að hoppukastalinn rifnaði upp og fór því sem fór; hoppukastalinn hóf sig til lofts, klauf niður myndarlegt trjágerði og þeyttist yfir fjórar akreinar nærliggjandi hraðbrautar, samkvæmt því er fram kom hjá lögreglunni í Fort Lauderdale. Börnin köstuðust aftur á móti fljótlega út úr fljúgandi leiktækinu á ofsahraða skömmu og hröpuðu hjálparvana til jarðar úr mismikilli hæð.

Sjá einnig: Hryllilegt: Hoppukastali tekst á loft með þrjú lítil börn innbyrðis

Tvö barnanna voru fljótlega útskrifuð af slysadeild með minniháttar meiðsli en þriðja barnið þurfti að dvelja næturlangt á spítalanum vegna slyssins. Hoppukastalnum hafði upphaflega verið komið fyrir á körfuboltavellinum í tengslum við opinber hátíðarhöld og var að sögn farið yfir allar öryggisreglur þegar leiktækið var blásið upp og tryggt, en það reyndist ekki nóg.

Gífurleg aukning hefur orðið á slysum sökum hoppukastala undanfarin ár og má hluta ástæðunnar rekja til þeirrar staðreyndar að í dag getur nær hver sem er keypt og sett upp hoppukastala í garðinum heima hjá sér. Þannig urðu að meðaltali 30 slys á börnum dag hvern í Bandaríkjunum árið 2010 sem rekja má beint til ógætilegrar notkunar og uppsetningar hoppukastala.

Hér má sjá hryllilegt atvikið sem sýnir að slysin gera ekki alltaf boð á undan sér: 

Fréttastofa Fox8 sagði frá