Hér kemur ein súper einföld uppskrift úr bókinni Rögguréttir.
Uppskrift:
600-800 gr ýsa
1 paprikusmurostur
1 peli rjóma
1 rauð paprika
gratín ostur ( rifin)
Aðferð:
Ýsan skorin í bita og sett í eldfast mót. Paprikan er skorinn langsum og raðað yfir fiskinn. smurostur og rjómi brædd saman í potti og helt svo yfir fiskin í eldfasta mótinu. Að endingu er rifnum gratin osti dreift yfir og bakað í ofni við 180 gráður í 20 mínútur.
Til tilbreytingar er hægt að nota t.d sveppi og sveppasmurost, beikon og beikonsmurost og svo framvegis.
Njótið vel í góðum hóp, við mælum með fersku salati og hrísgrjónum on the side.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
