Hin ellefu ára gamla Maddie Ziegler sýnir svo magnaða danshæfileika í nýjasta tónlistarmyndbandi poppstjörnunnar Sia að undrum má sæta, en Maddie er raunveruleikastjarna og var uppgötvuð gegnum raunveruleikaþáttinn Dance Moms fyrir nokkru.
Þó hin 38 ára gamla Sia og 11 ára gamla Maddie virðist ólíklegt teymi, er útkoman engu að síður nær draumkennd og hryllingskennd á sömu stundu; skrýtin og undrafögur. Þessi óvenjulega og þróttmikla innkoma Maddie, sem er aðeins barn að aldri og stígur nær óhugnarlega trylltan dans í myndbandinu hér að neðan hefur vakið heimsathygli og hefur unga stúlkan fengið mikið lof í lófa fyrir fumlausa frammistöðu sína.
Ætli hér sé komið eitt frumlegasta tónlistarmyndband ársins 2014?
[youtube width=”600″ height=”320″ video_id=”2vjPBrBU-TM”]
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
