Það þarf ekki að vera leiðinlegt að vera einhleyp/ur. Alveg þvert á móti. Það er ljómandi fínt að vera bara sinn eigin herra – hamingjusamlega einhleyp/ur, drekkandi vín (af stút) og borðandi drasl. Helst á brókinni. Á meðan grenjað er yfir Notebook.
1. Þú getur borðað það sem þú vilt. Þegar þú vilt það. Í því magni sem þú kýst. Það er enginn sem dæmir þig – nema mögulega samviskan. En hana má alltaf hunsa.
2. Hvers kyns rakstur verður með öllu óþarfur. Það eitt og sér er eiginlega nægilega góð ástæða til þess að vera einhleyp/ur að eilífu.
3. Rúmið er þitt. Eins og það leggur sig.
4. Þú þarft hvorki að eiga diska né glös. Þú borðar beint upp úr pizzakassanum og drekkur vínið af stút.
5. Þú getur verið á brókinni. Alla daga, alltaf. Brókin má líka vera ljót. Hverjum er ekki sama?
6. Þú þarft ekki að deila matnum þínum með neinum. 16″ pizzan getur öll farið beinustu leið í andlitið á þér.
7. Þú getur líka pantað hvaða álegg sem er á pizzuna þína. Þarft ekki að hlusta á neinn sem heimtar bara pepp og svepp. Þú getur fengið þér bernaise og banana þess vegna. Mmm.
8. Drekka heila vínflösku í kvöldmat? Ekkert mál. Á brókinni? Ekkert mál.
9. Kúka með opna hurð – af hverju ekki?
10. Kynlífshjálpartækið biður þig ekki um neitt í staðinn…
11. Þú mátt eiga eins marga ketti og þú vilt. Enginn dæmir. Eða þú getur að minnsta kosti sannfært þig um það.
12. Tvö orð: engir tengdaforeldrar.
13. Þú getur velt þér upp úr eigin rusli að vild. Hver nennir að eyða tíma í að taka til?
14. Þú þarft ekki að eyða peningum í gjafir handa neinum. Getur eytt þeim öllum í gjafir handa þér. Eða nammi.
15. Þú ræður hvar þú eyðir jólunum. Engin vandræðaleg jól með fjölskyldu sem þú þekkir jafnvel ekki neitt.
Tengdar greinar:
Tíu erkitýpur einhleypra kvenna
6 leiðir til að vera hamingjusamur einhleypingur
50 spurningar sem einhleypar konur fá ítrekað að heyra
