Hvort sem við trúum því eða ekki, þá er október að verða búinn og nóvember að taka við. Mánuðurinn fyrir jól! Án þess að við viljum vera að stressa ykkur upp. Jólin koma á sama tíma og alltaf, hvort sem þú sért „búin/n að öllu“ eða ekki.
En það er ennþá nógur tími og við höfum allan nóvember til að hugsa um núna. Hvað segja stjörnurnar okkur um þennan skemmtilega mánuð?
Fiskurinn
19. febrúar — 20. mars
Þú finnur sterklega fyrir stemningunni í kringum þig í nóvember. Þess vegna skiptir miklu máli að velja þér rétt fólk og gefa þér tíma til að vera einn þegar þú þarft þess.
Í vinnunni gætirðu fengið hugmynd sem virðist svolítið óraunhæf í fyrstu. Skrifaðu hana samt niður. Hún gæti þróast í eitthvað mjög gott.
Í ástinni er þetta góður mánuður til að tala um það sem þú hefur verið að fela. Ekki vegna þess að þú verðir að útskýra allt, heldur vegna þess að þú átt skilið að vera skilinn.
Fullt tungl í Tvíburum undir lok mánaðarins getur fært upp mikilvægt samtal eða ákvörðun.
Nóvemberráð: Innsæið þitt er ekki vandamálið. Þú þarft bara að læra að greina það frá óttanum.
