Þessa gömlu góðu tertu kannast líklega margir við. Uppskriftin er fengin af blogginu hennar Tinnu Bjargar. Það er jú laugardagur, þá má nú alveg henda í eina svona.
Sjá einnig: Marengsterta með kókosbollurjóma og jarðarberjum
Möndlu-, döðlu- og súkkulaðiterta
1 bolli sykur
1 tsk lyftiduft
1 1/2 bolli hakkaðar möndlur
1 1/2 bolli döðlur
100 g suðusúkkulaði
Þeytið egg og sykur vel og hrærið svo hveiti og lyftidyfti rólega saman við. Saxið döðlur og suðusúkkulaði smátt og blandið saman við deigið ásamt hökkuðum möndlum.
Smyrjið tvö hringlaga kökuform og deilið deiginu jafnt á milli þeirra. Bakið við 165° í 25-30 mínútur.
3 bananar
500 ml þeyttur rjómi
græn vínber
bláber
smá suðusúkkulaði
Hvolfið öðrum tertubotninum á disk og smyrjið um helmingi þeytta rjómans yfir. Skerið banana í sneiðar og raðið ofan á rjómann. Leggið hinn botninn ofan á tertuna og sprautið rjóma meðfram hliðum hennar. Skerið græn vínber í tvennt, dreifið þeim yfir tertuna ásamt bláberjum og rífið súkkulaði yfir.
Mér bókstaflega misbýður verðið á ferskum berjum hérna á Íslandi og nota þess vegna langoftast frosin bláber. Þau sem fást í Bónus og Iceland í hvítum pokum haldast vel þegar þau þiðna og eru virkilega bragðgóð.
Guðrún Veiga er fædd og uppalin á Eskifirði. Hún er mannfræðingur að mennt, mikill matgæðingur, mamma og múltítasker. Guðrún Veiga hefur skrifað fyrir hina ýmsu miðla, unnið í sjónvarpi og skrifað eitt stykki matreiðslubók.
