Sjóðheitur stærðfræðikennari sem bar fyrir augu undrandi háskólanema reyndist, þegar betur var að gáð, vera hátískumódel sem kennir algebru í hjáverkum. Ekki nóg með það, heldur er maðurinn með háskólagráðu (að öðrum kosti hefði hann reyndar aldrei fengið kennsluréttindin) og sigurvegari Europian Fitness Model – auk þess sem maðurinn heldur úti sjóðheitum Instagram reikning sem hann uppfærir þegar hann er ekki upptekinn við að útskýra jöfnur og fleira fínerí sem háskólanemar leggja stund á í tímum hjá heitasta stærðfræðileiðbeinanda heims.

Sjá einnig: Nýjasta æðið: Brúskuð og blómum skrýdd alskegg karla

Þetta er í það minnsta sá veruleiki sem stærðfræðinemar í London College ráku sig á fyrir skemmstu, þegar einhver þeirra ákvað að leggjast í rannsóknarvinnu og gúgglaði einn heitasta kennara skólans – karlmennið sem kennir stærðfræði.

Sjá einnig: Vissir þú þetta um karlmenn og kynlíf?

Kennarinn funheiti ber nafnið Pietro Boselli (eða Prófessor Boselli eins og hann er kallaður í skólanum) en það var óþekktarangi að nafni Arief Azli, sem fletti ofan af raunverulegri iðju stærðfræðikennarans meðan á stærðfræðikennslu stóð – allt gegnum Google – og deildi fréttunum með samnemendum sínum … á Facebook.

pietrobig

Að sögn vefmiðilsins Bustle, setti Azli einfaldlega inn stöðuuppfærslu sem sagði á frummálinu:

That moment when you realised [sic] your maths lecturer is one of the top designer model.

Eftir það varð ekki aftur snúið – engu líkara var en að sjálfur Superman hefði verið afhjúpaður og kennarinn kynþokkafulli á víst í megnustu erfiðleikum með að halda um allan þann fjölda nemenda sem flykkjast í tíma til hans – allt í þeim vafasama tilgangi að fullkomna þekkingu sína á lausnum flókinna stærðfræðijafna.

Sjá einnig: Þessir karlmenn koma þér í gegnum daginn – Kyntákn vikunnar

Prófessor Boselli ætti þó ekki að eiga í miklum vanda með að leiðbeina fróleiksþyrstum, þar sem hann státar af doktorsgráðu í verkfræði frá University College London – og geislar því ekki einungis af fegurð, heldur einnig af takmarkalausum gáfum.

Screenshot 2015-03-27 14.23.53

Myndir þú sækja stærðfræðitíma hjá þessu karlmenni ef völ væri á? 

Ekki er þó erfitt að geta líkum að því að nemendur Prófessor Boselli (berist fram með dáleiðandi röddu) hafi grunað að ekki væri allt með felldu áður en nemandinn óstyrláti fletti ofan af raunverulegu lifibrauði stærðfræðikennarans kynþokkafulla, þar sem einhverjir höfðu þegar smellt myndum af kyntröllinu í laumi – allt meðan á kennslu stóð og deilt á samskiptamiðlum.

Spurningin er þá sú hvort loks sé sú tilgáta sönnuð að stærðfræði sé ekki bara töff … heldur einnig sjóðheit og svaðalega sexí í þokkabót?

Okkur hér á ritstjórn þykir svo vera.

SHARE