Rannsóknir benda til þess að það sé gott fyrir börn og unglinga að borða reglulega kvöldverð með foreldrum sínum. Ávinningur þess að borða kvöldmáltíð með unglingum að minnsta kosti þrisvar í viku er talinn vera mikill. Hér eru nokkur atriði sem voru talin upp:

Unglingar sem borða kvöldmáltíð með foreldrum sínum að minnsta kosti þrisvar í viku

Eru ólíklegri til að vera í yfirþyngd
Eru líklegri til að borða hollari mat
Eru líklegri til að standa sig betur í skóla
Eru líklegri til að eiga í nánu sambandi við foreldra sína
Eru ólíklegri til að leiðast út í áfengis og eiturlyfjaneyslu
Eru ólíklegri til að sýna áhættuhegðun
Eru líklegri til að vera í kjörþyngd

Það má eflaust deila um þetta eins og allt annað en maður tapar líklega ekki á því að setjast niður á kvöldin með börnunum ef maður mögulega getur og borða með þeim kvöldmatinn. Margir minnast eflaust matartímanna með fjölskyldunni með bros á vör en það er oft tíminn til að setjast niður eftir annasaman dag og ræða annir dagsins.

SHARE