Blac Chyna hefur verið að fara á bakvið unnusta sinn, Rob Kardashian. Hún hefur verið með annan farsíma sem Rob vissi ekki um og hefur verið í samskiptum við söngvarann Pilot Jones með honum. RadarOnline sagði frá þessu og sagði heimildarmaður þeirra: „Rob er í algjörri afneitun útaf þessu núna.“

Fyrsti þátturinn í raunveruleikaþáttum parsins fór í loftið í seinustu viku og kom fram í honum að Rob var að fara í gegnum síma Blac, vegna þess að hann grunaði hana um að vera að halda framhjá.

 

Sjá einnig: Blac Chyna ætlar í fjölda lýtaaðgerða eftir fæðingu barnsins

„Eina ástæðan fyrir því að hann fór í gegnum símann hennar var að hann hafði staðið hana að lygum rétt áður,“ segir þessi heimildarmaður og bætir við að Rob fann falinn farsíma í bílnum hjá Blac fyrir nokkrum mánuðum.

„Hún neitaði auðvitað fyrir að eiga símann og sagði að vinkona hennar ætti símann. Þegar Rob kveikti svo á símanum var mynd af syni Blac á skjánum. Blac hefur verið að gera svona dularfulla hluti í gegnum tíðina og þess vegna hefur Rob ekki treyst henni í töluverðan tíma. Þrátt fyrir þetta er hann brjálæðislega ástfanginn af henni,“ segir heimildarmaður RadarOnline.

 

SHARE