Ástralinn Peter Sharp er enginn venjulegur maður. Svo virðist sem lífsgleði hans eigi sér nær engin takmörk og þannig gekk hann talsvert langt þann 23 ágúst sl. í viðleitni sinni til að gæða hversdaginn auknu lífi.

Umræddan dag mælti hann sér mót við átta vini sína á lestarstöð. Sjálfur hópurinn fór fyrst inn í lestina og setti upp myndavélar án vitundar annarra farþega og þegar lestin staðnæmdist að nýju, steig Peter inn og gerði sig reiðubúinn til að láta til sín taka.

Íklæddur spariklæðum; glaðlyndur á svip. Enginn áttaði sig enn á hvað var í bígerð og það var ekki fyrr en Peter steig fram og kynnti atriði sitt að upp fyrir öllum rann að eitthvað var á seyði:

Hei, krakkar, ég vil enga peninga. Mig langar bara að dreifa smá gleði. Þannig að ég ætla að setja upp smá danspartý. Í dag. Hér.

Því næst hófst tónlistin og einn af öðrum stigu vinir hans fram – ásamt grunlausum farþegum sem augljóslega var skemmt – og slógust í hópinn.

Hvernig yrði þér við ef lestarferðin leystist upp í allsherjar danspartý?

SHARE