Hún er bara átta ára gömul, en Gabi Mann er fuglahvíslari af lífi og sál. Gabi Mann býr í Seattle, Bandarikjunum og fæðir krákur sem heimsækja bakgarðinn hennar og hefur gert síðan hún var aðeins fjögurra ára að aldri.

En það er ekki allt, því hún á í sérstöku sambandi við krákurnar, sem daglega færa henni litla mola að gjöf; slípuð glerbrot, bréfaklemmur, glysperlur og alls kyns smádót sem krákurnar leggja á jörðina svo Gabi geti tekið upp – áður en þær setjast að snæðingi.

.

_81210316_gifts-purple-624

Gabi heldur vel um allar gjafirnar sem krákurnar hafa fært henni í þakkarskyni

BBC greinir frá þessu einstaka vináttusambandi stúlkunnar við fuglana, en í viðtali við miðilinn segir Gabi einfaldlega:

Þetta er leið fuglana til að sýna mér hversu heitt þeir elska mig.

Allt hófst ævintýrið þegar Gabi var einungis fjögurra ára gömul og missti mola á jörðina þegar hún sat að snæðingi í bakgarðinum. Fuglarnir nörtuðu góðfúslega í molana, atvikið endurtók sig og fyrir tveimur árum síðan – eða þegar Gabi var sex ára gömul – fór hún að fæða krákurnar daglega með brauðmolum, hnetum og hundamat. Krákurnar komust strax á bragðið og þökkuðu litlu stúlkunni fyrir sig með glysperlum, lúnum glerbrotum og alls kyns smáhlutum sem eru vita verðlausir en hafa sérstaka merkingu í augum litlu stúlkunnar.

.

_81210319_birdbath624

Krákurnar eru afar hændar að Gabi og eru óþreytandi við gjafaöflunina

Í umfjöllun BBC kemur einnig fram að fuglasérfræðingurinn John Marzluff segi ekki óþekkt að krákur bregðist gjarna við góðvild á þennan máta, en fuglarnir eru glysgjarnir með eindæmum og því hegðunarferlið ekki óþekkkt.

Það er enginn vafi á því að stúlkan hefur bein samskipti við fuglana. Þau skilja tákn og bendingar hvers annars.

Krákur eru að öllu jöfnu skarpir fuglar, félagslyndar og glettnar – en fuglarnir geta jafnvel borið kennsl á andlit manna. Því er ekki úr vegi að ætla að krákurnar hafi tekið ástfóstri við litlu stúlkuna sem færir þeim mat á hverjum degi og þiggur smágjafir frá dýrunum að launum.

.

_81210317_gifts-in-boxes-624

Litla stúlkan heldur vel um ástleitnar gjafirnar og skrásetur hvern hlut

Dásamlegt í einfaldleika sínum og sýnir svo ekki verður um villst að dýrin eru næm á góðvild manna og eru fyllilega fær um að sýna kærleika á sinn einstaka máta. Hér má sjá Gabi fæða félagslyndu krákurnar í bakgarðinum:

SHARE