ATH. Þessi grein er aðsend. Lesendum er frjálst að senda inn greinar undir nafnleynd í Þjóðarsálina, en þær skoðanir sem birtast hér í Þjóðarsálinni endurspegla hvorki ritstjórnarstefnu né skoðanir HÚN.IS 

Í fjölmiðlum hefur undanfarið verið mikið fjallað um fólk sem á í fjárhagslegum erfiðleikum og getur ekki látið enda ná saman í hverjum einasta mánuði. Umræddir einstaklingar tala alla jafna um vanlíðan sem þessu fjárhagslega óöryggi fylgir. Það er samt eitt og annað sem skýtur skökku við í þessari umræðu.

Þessir einstaklingar virðast langflestum tilfellum vera einstæðar mæður sem oftar en ekki eru með meira en eitt barn á sinni framfærslu. Ég er með afar einfalda lausn á þessu vandamáli, EKKI VERA EINSTÆÐ! Þó svo að barnsfaðir þinn eða fyrrum kærasti sé latur við að taka til eftir sig, skilji klósettsetuna eftir uppi eða sé jafnvel öðru hvoru að daðra við afgreiðslustúlkur í matvöruverslunum, er þá ekki betra að halda í hann og upplifa fjárhagslegt öryggi í stað þess að henda honum frá sér og þurfa alltaf að hugsa í tíköllum.

Óformleg og fljótunnin könnun á fjárhag einhleypra mæðra sem njóta þeirra forréttinda að vera vinir mínir á samskiptamiðlinum Facebook leiðir líka í ljós að margar af þessum einhleypu mæðrum eru líka einfaldlega lélegar í að fara með peninga. Það var til dæmis sláandi að horfa upp á eina kunningjakonu, sem er einstæð og minnir Fésbókarvini sína reglulega á það hvað hún hefur það erfitt, taka mynd af 3.000 kr. hádegismatnum sínum með glænýja Iphone 6 símanum sínum en samt á „greyjið“ ekki fyrir mat handa barninu sínu.

Mín tilmæli til þessara einstæðu kvenna eru einföld. Leggið stoltið til hliðar og reynið eftir fremsta megni að halda sambandinu gangandi. Það er auðveldara að reka heimili þegar tveir aðilar eru með tekjur og þá gætiru látið enda ná saman og keypt þér Iphone 6 með góðri samvisku.

Bréf frá einum 25 ára úr Hafnarfirði

 

Tengdar greinar:

Þjóðarsálin: Keypti ónýtan bíl á 600.000 á Facebook

Hefur mér verið nauðgað? Eða hef ég verið misnotuð?

SHARE