Leikkonan Kerry Washington sem leikur í þáttunum Scandal náði að halda því leyndu fyrir slúðurpressunni í tvær vikur að hún hefði fætt barn en Kerry fæddi stúlkuna Isabelle Amarachi þann 21. apríl síðastliðin. Leikkonan er lítið hrifin af því að vera í sviðsljósinu með einkalíf sitt en hún gifti sig síðasta sumar án þess að nokkur vissi af.
Mikil spenna ríkir yfir væntanlegu brúðkaupi Kim Kardashian og Kanye West en nú er sá orðrómur á kreiki að þau séu búin að gifta sig. Parið er sagt hafa gengið í það heilaga í lítilli athöfn í Los Angeles um helgina en náinn ættingi Kardashian fjölskyldunnar þvertekur fyrir þessar sögusagnir og segir að þau séu enn ógift. Upplýsingafulltrúi fjölskyldunnar vildi þó ekki tjá sig um málið.
Kristín Helga er óumdeilanlega mesti Kardashian aðdáandi Íslands og nærliggjandi landa. Hennar heitasta ósk er að vera vinkona Khloe Kardashian.
Hún hefur áhuga á öllu mögulegu og þar á meðal að lesa og skrifa um fræga fólkið í Hollywood.
