Faðir leikkonunnar Lindsay Lohan, Michael Lohan sagði nýverið að dóttir hans hefði tekið of stóran skammt af eiturlyfjum aðeins 18 ára gömul.
Lindsay hefur barist við fíkniefnadjöfulinn lengi eða síðan hún var unglingur samkvæmt Michael. Faðir hennar kom nýlega fram í viðtali og sagði frá því að hún hefði verið nær dauða en lífi eftir að hafa tekið of stóran skammt af kókaíni aðeins 18 ára gömul.
Hann segir að atvikið hafi átt sér stað við tökur á bíómynd, hann segir:
“Lindsay var við tökur á kvikmynd í New Orleans þegar ég fékk símtal. Mér var sagt að hún hefði tekið of stóran skammt af Kókaíni. Einn aðstoðarmanna hennar útvegaði henni eiturlyfin. Ég varð svo reiður að ég náði í byssu og ætlaði að fara til New Orleans og drepa hann. Ég gat ekki trúað þessu, ég var svo reiður!”
Lindsay neitar þessu og sagði nýlega að hún hefði fyrst prófað eiturlyf 21 árs gömul. Hvort trúir fólk henni eða pabba hennar?
