Thimohy Archibald er ljósmyndari og faðir drengs með einhverfu. Hann ákvað að taka ljósmyndir af einstökum venjum sonar síns til þess að hjálpa sjálfum sér að takast á við greiningu hans. Það sem átti í upphafi að vera einkamyndir fyrir hann, endaði sem svo miklu meira. Hann lærði ekki bara um einstakan heim sonar síns, heldur varð þetta að verkefni sem gerði þá mun nánari.
Sjá einnig: Hvað er einhverfa?
Thimothy lærði að hætta að reyna að stjórna syni sínum og leyfa honum að stjórna ferðinni.
Sonur hans, sem ber nafnið Elijah (5), er afar upptekinn af öllu vélatengdu og er mjög mikið fyrir að vera einn með sjálfum sér. Hver einasta mynd sýnir einstakar venjur Eli og hvernig hann bregst við heiminum í kringum sig. Thimothy segir að hann hafi aldrei viljað að sonur hans myndi halda að hann væri venjulegur. Hann vildi að hann væri meðvitaður um hversu öðruvísi hann væri og að sjá það sem kost.
Sjá einnig: Myndar einhverfan son sinn – Gerði feðgana enn nánari – Myndir
Heimildir: Bored Panda
Dagbjört Ósk Heimisdóttir er af Ströndum en býr í borginni ásamt sonum sínum tveimur. Dagbjört er hárgreiðslumeistari en ákvað að breyta aðeins til að gerast penni hjá Hún.is. Nú starfar hún í frábæru teymi sem skrifar á vefinn.
