Leggurðu það í vana þinn að vinna á fartölvuna þína með hana á lærunum, kannski uppi í sófa eða uppi í rúmi? Þú ættir kannski ekki að gera það! Það hefur komið í ljós að þeir sem gera þetta mikið geta brennt á sér lærin og fengið það sem kallað er á ensku „toasted skin syndrome“ og að lokum valdið húðkrabbameini.
Í einu nýlegu atviki er 12 ára drengur kominn með varanlegt brunasár á vinstra læri sitt af því hann er búin að vera í tölvuleikjum í nokkra klukkutíma á dag í nokkra mánuði.
Samkvæmt læknablaðinu Pediatrics sem kom út á mánudaginn, tók drengurinn eftir því að fartölvan hans hitnaði mikið á vinstri hliðinni en hann hafi virt það að vettugi og ekki skipt um stellingu eða lagt tölvuna frá sér.
