Feministar að eyðileggja íslenska karlmenn

Þessi kona kallar sig Sunny Sweetness og er hér með myndband um íslenska feminista. Hún talar ensku og við erum ekki alveg klárar á hvaðan hún kemur. Við þýðum hér eftir bestu getu:

 

„Þær (feministar) eru að eyðileggja allt við íslenska karlmenn sem er karlmannlegt! Þær ætla sér bara að láta öllum líða ömurlega, eins og þeim sjálfum.“

 

„Ég veit ekki hvort þið hafið tekið eftir því en það er plága á Íslandi af illkvittnum, bitrum, feministum sem tuða út af öllu. Það vilja ekki margir tala um þetta því þetta er mjög viðkvæmt. Það má ekki segja neitt slæmt um feministana,“ segir Sunny með hæðnistón.

 

„Feministar segja að ef það væri ekki fyrir feministana þá væru konur ekki með svona mikinn rétt og gætu ekki gert hitt og þetta og bla bla, okei ég næ því. Það er einhverri kvennagrúbbu að þakka að við höfum rétt í dag en nútímafeministar eru komnir allt of langt yfir línuna.“

 

„Ég þoli ekki íslenska feminista og ég verð svo pirruð þegar ég sé þá. Mig langar bara að springa og öskra. Feministar reyna eins og þær geta að finna eitthvað til að pirra sig á.“

 

Hún reynir einnig sitt besta til að sálgreina feminista og segir: „Kannski var þeim ekki sagt nógu oft að þær væru sætar, þegar þær voru litlar. Flestir feministar eru ljótir.“

Sjón er sögu ríkari og hér er myndbandið:

 

 

 

 

https://www.youtube.com/watch?v=vZIWGO6IwqQ&ps=docs&ps=docs&ps=docs&ps=docs&ps=docs&ps=docs&ps=docs&ps=docs&ps=docs&ps=docs

SHARE