Frægar án farða – 20 myndir

Flestar ljósmyndir af frægum leikkonum og söngkonum gefa oft í skyn óaðfinnanlega húð, stjörnubjört augu og himneska útgeislun.

Það sem gleymist oft er að að baki leynist fagvinna förðunarfræðinga, persónulegra stílista og svo má auðvitað ekki gleyma myndvinnslu sem á sér oftast stað í Photoshop þegar myndir eru birtar í tímaritum.

Þannig skapast fullkomin ímynd sem enginn getur nálgast, ekki einu sinni stjörnurnar sjálfar.

En flestar konur farða sig og draga þannig fram það besta í útliti sínu en það er gott að minna sig á að fegurðin kemur að innan. Flestir falla fyrir sjarma og útgeislun, brosi og fallegu augnaráði en ekki sjálfu meikinu.

Þessar myndir sýna að við erum öll manneskjur af holdi og blóði sem lifa hversdagslegu lífi annað slagið. Það er enginn fullkominn!