Þessi dásamlega uppskrift kemur úr safninu hennar Röggu mágkonu og ég get lofað ykkur því að bragðlaukarnir gleðjast!
Uppskrift:
4 kjúklingabringur
1 box sveppir
hálfur pakki beikon
1 camenbert eða 1 gullostur
Sósa:
1 piparostur
1/2 líter rjóma
1 teningur kjúklingakraft
hvítlaukssalt
pipar
Aðferð:
Sveppirnir og beikoni steikt á pönnu. Helmingur sveppanna teknir frá til að setja í sósuna. Osturinn skorinn í 8 jafnstórar sneiðar.
skorin vasi í bringurnar, 2 ostbitar, smá sveppir og beikon er sett í hvern vasa og bringan krydduð með hvítlaukssalti og pipar.
Sósan útbúin á þann hátt að piparosturinn er bræddur í rjómanum, kjúklingakraftur og sveppir sett út í og hrært í.
Bringunum raðað á eldfastmót, smá af sósunni hellt yfir og bakað við 180 til 200 gráður í ca 40 mín.
Svakalega gott með fersku salati, hrísgrjónum og hvítvínsglasi.
Kristín fæddist á nunnuspítala og var skírð á flugvelli í henni Ameríku.
Hún er gift og á þrjú börn og eitt barnabarn. Hún hefur að mestum hlut unnið við að efla fólk og hefur menntað sig á því sviði. Ásamt því að skrifa á hun.is vinnur hún sjálfstætt sem meðferðaraðili.
Elskar að lesa, skrifa og mála en útivist og andleg málefni heilla hana.
Hún skrifar út frá eigin reynslu, faglegu nótunum og kaldhæðnislega um upplifun sína af breytingarskeiði miðaldra kvenna. Með hækkandi aldri hefur hún lært að létta sér lífið sem húsmóðir og gera mat á einfaldan hátt en alveg afbragðsgóðan svo frá henni má sjá uppskriftir að ýmsu góðgæti.
Hennar mottó er jákvæðni út í kosmósið því hún hefur lært af lífinu að jákvæðni kemur manni ansi langt!
