Gómsæt gleði verslunarinnar Simply á Laugavegi 37

Verslunin Simply lætur 12% af allri sölu þann 12.12.12 renna til Rauða krossins

Í tilefni góðgerðarmaraþons Rauða krossins, íslenskra hönnuða og tónlistarfólks í miðborginni þann 12.12.12 mun verslunin Simply láta 12% af allri sölu þennan dag renna til styrktar íslendingum í nauð. Gestum og gangandi verður boðið upp á gómsæta gleði í versluninni á Laugavegi 37, söfnunarbaukur Rauða krossins verður á staðnum tilbúinn til að taka á móti klinki og seðlum um leið og þið kaupið jólagjafirnar og látið gott af
ykkur leiða til góðs málefnis á sama tíma.

Auk þess verður uppboð á fatnaði frá íslenskum hönnuðum sem haldið verður á Gallerí Bar 46 kl. 20.30. Rakel Hafberg og Jóna María hafa báðar gefið fatnað til uppboðsins. Nánar um þennan viðburð á www.facebook.com/jol121212

Frábært tækifæri til að láta gott af sér leiða og hafa gaman í leiðinni.

Gleðileg jól

SHARE

LEAVE A REPLY

Please enter your comment!
Please enter your name here