Þessi svakalega góði fiskréttur kemur úr bókinni Rögguréttir 2, eldað af ást.

Enn er hægt að nálgast bókina og styrkja þar með Umhyggju félag langveikra barna.

Uppskrift:

600 gr hvítur fiskur t.d þorskhnakkar

1 blómkálshöfuð

ólífuolía, salt, nýmalaður pipa, krydd lífsins frá pottagöldrum

1/2 púrrulaukur

1 rauð paprika

1 dós sýrður rjómi

1 lítil dós kotasæla

2 msk majónes

1 tsk karrý

1 msk hunangs Dijon sinnep

Rifinn ostur

Aðferð:

Hitið ofnin á 180 gráður með blæstri.

Rífið blómkálið niður með grófu rifjárni og dreifið því jafnt í botninn á eldföstu móti. Kryddið með salti, pipar og dreypið olíunni yfir ásamt ca msk af vatni. Bakið í ofni í 10 mín.

Skerið fiskinn í bita og kryddið með kryddunum.

Saxið púrrulaukin og paprikuna smátt.

Hrærið saman kotasælu, sýrðum rjóma, majónesi karrý og sinnepi, smakkið til með salt og pipar.

Takið blómkálið úr ofninum og lækkið hitann í 160 gráður. Leggið fiskinn ofan á og dreifið sósunni yfir og loks paprika og púrrulaukur yfir allt. Dreifið ostinum yfir og bakið í 20 til 30 mín eða þar til fiskurinn er eldaður í gegn.

Gott að bera fram með góðu salati.

Endilega kíkið við á Rögguréttir á facebook og kaupið eins og eitt eintak af bókinni.

Njótið vel.

SHARE