Þessar kökur hafa verið í uppáhaldi hjá mér lengi. Amma bakaði þessar kökur alltaf fyrir mig þegar ég kom til hennar & ég sá alltaf um að klára þær allar ! Hér er uppskriftin.
Haframjölskökur
1 ½ bolli hveiti
½ tsk. sóti
1 tsk.kanill
½ tsk. salt
1 egg
1 bolli (púður) sykur
1 bolli olía
1 msk. Sýróp
¼ bolli mjólk
1 ¼ bolli haframjöl
½ bolli rúsínur
½ bolli saxaðar valhnetur
Blandið öllu nema rúsínum og hnetum saman í hrærivélarskálina og látið vélina um að hræra öllu saman.(Notið spaðann fyrir hræru- ekki þeytingu!) Bætið rúsínum og hnetum seinast út í.
Hitið ofninn upp í 180 ⁰ C , látið bökunarpappír á plötu og setjið deigið á plötuna með skeið. Úr þessu deigi eigið þið að fá u.þ.b. 70 smákökur. Bakið í u.þ.b. 12 mín. eða þar til brúnirnar eru ljósbrúnar.
Tilbreyting: Sumir vilja ekki nota hnetur í kökurnar. Öðrum finnst gott að bragðbæta með suðusúkkulaði og þurrkuð trönuber fara mjög vel í þessari uppskrift.
Njótið vel!
