„Hjákona” Jay Z segir frá ÖLLU: gefur út lagið Sorry Ms. Carter

Það á ekki að fræga fólkinu að ganga. Nú hefur Olivia nokkur sem ber eftirnafnið McFallar (einnig þekkt undir sviðsnafninu Yes LIV Can) – sú hin sama og sagðist fyrir skemmstu NÆSTUM hafa orðið hjákona Jay Z gefið út „hárbeitta ádeilu” í formi tónlistar sem ætlað er að ná eyrum Beyoncé, sem eflaust er furðu lostin yfir uppátækinu.

Lagið sjálft, sem er frekar vandræðalegt, er sungið af Oliviu sjálfri sem segist „aldrei hafa sofið hjá manninum” en að þau hafi „linkað á hip-hop” og segist hún einnig hafa stöðvað leika sjálf áður en alvöru hiti fór af stað.

„When I stepped out of his life I took a piece of his heart” sönglar hin sjálfumglaða Olivia meðan Carter hjónin halda áfram tónleikaferðalagi sínu um Bandaríkin, en þau Beyoncé og Jay Z hafa nú slegið aðsóknarmet meðan á On The Run túrnum hefur staðið og telur Forbes líklegt að um eitt farsælasta tónleikaferðalag sögunnar sé um að ræða.

Langlífar sögusagnir um endalok hjónabands þeirra Jay Z og Beyoncé hafa gengið fjöllunum hærra að undanförnu og verða þær raddir sífellt háværari sem segja hjónin gista á sitt hvoru hótelinu, að lögmenn þeirra beggja séu önnum kafnir við að útbúa skilnaðarsáttmála og illkvittnar tungur hafa meira að segja gengið svo langt að staðhæfa að Jay, sem sé stjórnsamur með eindæmum, hafi slegið í borðið og bannað Beyoncé að koma fram í þætti hjá Oprah til að ræða endalok hjónabands þeirra.

Myndbandið er svo svaðalegt að lagið sjálft ætti í raun að hljóta viðurkenningu fyrir fáránleika sinn OG sess í tónlistarsögunni, en það er allt í gangi hjá konunni meðan á laginu stendur. Í fyrsta lagi galar konan hástöfum um Ms. Carter (sem merkir ungfrú Carter, en Beyoncé er harðgift og því frú) og í öðru lagi hrynja gullmolar af vörum konunnar sem vísa beint í fyrri verk Jay Z, orð á borð við:

 

You got 99 problems but I ain’t trying to be one …. 

 

Í lok myndbandsins sést Olivia sötra kynstrin öll af ódýru rauðvíni meðan hún röflar viðstöðulaust um hvernig Beyoncé verði að fara að beita sér fyrir því að kenna ungum stúlkum hvernig eigi að hegða sér í hjónabandi og vera góðar eiginkonur í stað þess að vera sífellt með kynferðislegar skírskotanir í textavali sínu.

 

Hér má sjá stórvirki stúlkunnar sem varð „næstum” hjákona Jay Z …. 

[youtube width=”600″ height=”320″ video_id=”CLbs1m9M5UM”]

SHARE