Húðflúraðir karlmenn hafa löngum haft á sér leiðinlegt orðspor. Þeir þykja margir ógnandi, aðrir dularfullir – einhverjir hreinlega illvígir. Úreltar og hlægilegar staðalmyndir húðflúraðra karla varpa gjarna upp svipmynd af ímynduðum karlmanni sem hefur ýmist afplánað dóm fyrir upplogin og hroðaleg óhæfuverk, hefur hossast á sjó frá unga aldri og kann varla mælt mál á landi – eða er einfaldlega ófær um að vaxa upp úr unglingastælum og fullorðnast.
Ekkert gæti þó verið fjær sannleikanum – umræddar staðalmyndir eru hlægilegar í eðli sínu og eiga ekki við nein rök að styðjast. Húðfllúraðir karlmenn eru einfaldlega karlmenn sem kunna vel að meta líkamslist og bera allflestir klæðileg húðflúrin stoltir. Þeir eru feður, framkvæmdastjórar, vörubílstjórar og allt þar á milli; fallegir menn sem eru fullfærir um að elska af öllu hjarta.
Sjá einnig: Þú átt eftir að horfa öðrum augum á húðflúr eftir að hafa séð þetta – Myndband
Ljósmynd: Mike Kremer
Ekkert gæti verið fjær sannleikanum en að segja húðflúraða karlmenn illvíga dóna sem eru ófærir um að gegna ábyrgð í daglegu lífi. Húðflúr hafa fylgt mannkyni frá örófum alda og húðflúr hafa afar persónulega merkingu í hugum þeirra sem með þau ganga. Húðflúr eru prýði og geta verið ægifögur – rismikil, tígurleg og hreinlega smekkleg.
Sjá einnig: Það sem fötin hylja: Húðflúraðir fletta sig klæðum
Ljósmynd: Óþekkt
Í gullfallegri umfjöllun sem Bored Panda tók saman og inniheldur svipmyndir hvaðanæva af vefnum, má sjá húðflúraða foreldra umfaðma kornung börn sín – lifandi sönnun þess að bókina skyldi aldrei dæma af kápunni; húðflúraðir feður koma frá öllum kimum alþjóðasamfélagsins og eru margir elskandi, ábyrgir og yndislegir einstaklingar sem eiga aðeins húðflúrin sjálf sameiginleg.
Sjá einnig: Flúraðar mömmur með börnin sín
Myndir segja meira en mörg orð – hér má sjá brot af úrvali þeirra mynda sem Bored Panda tók saman og er að finna á víð og dreif um veraldarvefinn – yndislegar myndir sem tala sínu máli!
Ljósmynd: Kimbahanne
Ljósmynd: h3lio.tumblr.com
Ljósmynd: Óþekktur
Ljósmynd: onesmallseed
Ljósmynd: Abi Porter
Ljósmynd: life_on_mars_uk
Ljósmynd: Óþekktur
Ljósmynd: Aidan Photograffeuse
Klara Egilson er íslenskur blaðamaður búsettur í Osló. Hún hefur gengt ritstörfum frá unga aldri og gaf út sína fyrstu smásögu sex ára að aldri: “Kartaflan sem fann alltaf vitlausa lykt” en hefur skrifað allar götur síðan og er ekki ókunn íslenskum fjölmiðlum. Hún er elsk á orð, fagra muni og umfram allt; fjölbreytileika mannlífsins. Klara gegnir í dag stöðu aðstoðarritstjóra HÚN.IS og tekur á ýmsu í umfjöllunum sínum.
