Snyrtifræði er mjög fjölbreytt og skemmtileg grein. Margir halda að snyrtifræðin snúist aðeins um að pússa neglur og varalita konur, en það er eins langt frá sannleikanum og mögulegast getur. Mikill lærdómur er í líffræði og líffæra- og lífeðlisfræði, með áherslu á húðina og starfsemi hennar. Húðin er okkar stærsta líffæri og því ekki hægt að gera lítið úr því að læra um hana 😉
Í snyrtifræði eru kennd mörg fög og sem dæmi má nefna smit- og sóttvarnir, efnafræði, húðsjúkdómafræði, næringarfræði, heilbrigðisfræði, skyndihjálp auk allra verklegu og fagbóklegu hluta námsins.
Í dag eru þrír skólar sem kenna snyrtifræði og eru þeir Fjölbrautaskólinn í Breiðholti, Snyrtiakademían og Fashion Academy.
Inga er fædd og uppalin í Reykjavík fyrir utan 2 ár sem hún bjó fyrir vestan í Bolungarvík. Þessi gifta, þriggja barna móðir er menntuð snyrtifræðingur og hefur unnið við það síðan 2006. Snyrtifræðin á stóran hluta af hug hennar og fagnaði hún þessu tækifæri að fá að skrifa greinar og jafnvel fá að aðstoða lesendur við vanda/spurningar sem þeir mögulega hafa.
