Kelsey Grammer fallinn

Kelsey Grammer (61) er farinn að drekka aftur en hann hafði verið edrú í næstum tvo áratugi. Slúðursíðan RadarOnline hefur það eftir nánum vinum leikarans að hann sé á hraðri leið niður á við eftir að hann fór að drekka aftur. Kelsey sagði frá því nýlega að hann hefði hætt í AA og er hann núna farinn að drekka daglega. „Fólk þarf að læra að halda áfram og sjá hlutina frá öðrum sjónahóli. Það er ekki löstur að drekka,“ sagði Kelsey.

Sjá einnig: Eru þau að skilja eða ekki?

Kelsey var tekinn fyrir að keyra undir áhrifum árið 1987 og fór þá í meðferð en fór fljótlega að drekka aftur. Árið 1996 lenti Kelsey svo í alvarlegu bílslysi á rándýrum sportbíl sem var í hans eigu og kom í ljós að hann var undir áhrifum fíkniefna og áfengis. Hann var einnig í tygjum við fyrrum klámstjörnu á þessum tíma, Tiffany Storm og hún fór að segja frá samskiptum þeirra opinberlega eftir þetta. Hún lýsti því þá að Kelsey klæddist reglulega kvenmannsfötum þegar þau nytu ásta og hann væri háður kynlífi, fíkniefnum og áfengi. Eftir þetta varð Kelsey edrú og hélt sig frá öllum efnum þangað til nýlega. Kelsey sjálfur gerir lítið úr því að hann sé farinn að drekka aftur: „Ég vil fá 5 mínútur á dag þar sem ég fæ mér kokteil og ég vil ekki að neinn trufli mig meðan á því stendur.“

 

SHARE