Hin 19 ára gamla Kendall Jenner, sem steig sín fyrstu skref á hátískupöllunum á nýyfirstöðnum tískuvikum, allt frá París og til New York, er nýjasta andlit snyrtivörurisans Estée Lauder og birtist þannig í glæstum ljósmyndaþætti á síðum Vogue, þar sem árangur hennar og ótrúleg innkoma í heim hátískunnar er rædd í þaula.

.

download (5)

download (6)

Kendall Jenner fyrir Vogue – Ljósmyndir: PATRICK DEMARCHELIER

.

Kendall, sem hefur verið mitt í kastljósi fjölmiðla allt frá 11 ára aldri og er systir sjálfrar Kim Kardashian, segist eiga árangurinn þrotlausri vinnu að þakka og að hún líti ekki svo á að um sjálfsagt framhald af þáttöku hennar í raunveruleikasjónvarpi sé að ræða.

.

download (8)

download (7)

Kendall Jenner fyrir Vogue – Ljósmyndir: PATRICK DEMARCHELIER

.

Reyndar er Kendall svo staðráðin í að skipa sér eigin sess í hátískuheiminum að hún neitaði að flagga eftirnafni sínu meðan á tískuviku stóð og óskaði þess að vera einungis kölluð Kendall. Innkoma hennar í tískuheiminn var ekki átakalaus, en háværar sögusagnir voru á sveimi um stund um að Kendall hefði verið lögð í grimmilegt einelti af öðrum fyrirsætum sem töldu víst að Kendall hefði sökum stöðu sinnar og ætternis, otað sér framar í forgangsröðinni.

.

download (11)

download (10)

Kendall Jenner fyrir Vogue – Ljósmyndir: PATRICK DEMARCHELIER

.

Þetta þvertekur fagfólk fyrir og þannig segir sjálfur Olivier Rousteing, sem gegnir stöðu listræns stjórnanda hjá Balmain að Kendall sé rísandi stjarna sem verðskuldar viðurkenninguna.

Kendall er fyrirmynd í augum ófárra ungra stúlkna og hefur þegar skipað sér sess við hlið kvenna á borð við Claudia Schiffer og Naomi Campell.

Sjálf segir Kendall að keppnisandinn sé henni í blóð borinn og að foreldrar hennar, Kris og Bruce, hafi haft fyrir reglu í uppvextinum að vekja hana þremur tímum áður en skóli hófst svo hún gæti litið í bækur.

Ég lærði snemma á lífsleiðinni að fullkomnunarárátta og það að leggja hart að sér er eina rétta leiðin að auknum árangri. Vinnualki er jákvætt hugtak í mínum föðurhúsum.

Umfjöllun Vogue má lesa HÊR en á vefsíðu Estée Lauder má sjá Kendall fyrir snyrtivörurisann ásamt því að skoða Instagram reikning stúlkunnar sem tók tískuheiminn með stormi fyrr á þessu ári og segist komin til að vera.

 

Íslensk fyrirsæta í yfirstærð situr fyrir í myndaþætti Vogue

Vinnan að baki gerð hátískuflíkar er mögnuð ásýndar 

Kim Kardashian aflitar á sér augabrúnirnar

SHARE