Kim Kardashian hefur ekki mikið farið út á meðal fólks síðan hún eignaðist frumburðinn fyrr í sumar. Hún litaði lokka sína nýlega ljósa og var mynduð í Beverly Hills í vikunni klædd hvítri skyrtu með fallegu gulllituðu mittisbelti og víðum ólívugrænum buxum. Kim er glæsileg að venju og ljósu lokkarnir klæða hana vel, hún gæti eflaust litað hárið á sér hvernig sem er, hún er alltaf glæsileg.


Kim fékk engan frið á meðgöngunni fyrir gagnrýni fólks. Þyngd hennar var gagnrýnd grimmt og hún hefur viðurkennt að það særði hana mikið. Myndum var deilt þar sem hún var kölluð hvalur og ýmislegt annað einstaklega ósmekklegt. Þjálfarinn hennar Tracy Anderson hefur látið hafa eftir sér að Kim sé aðallega að einbeita sér að litlu dóttur sinni og hollu mataræði en hún hefur ráðið einkakokk sem eldar 5 litlar máltíðir fyrir hana daglega. Tracy Anderson sagði einnig að Kim sé ekki farin að fara í ræktina þrátt fyrir að fjölmiðlar hafi greint frá því að hún fari eftir ströngu æfingarplani.

 

SHARE